२०७७ जेठ १० गेत जाजरकोटमा नवराज विक सहित ६ जना युवाको रुकुम पश्चिमको सोति गाउँमा हत्या गरि भेरि नदिमा शव भेटियो । ६ जना युवाहरुको शव ५ दिनसम्मको लगातार खोजपछि भेरि नदिमा सबैको शव भेटिएको थियो । यसै बीचमा जेठ १२ गतेबाट जिल्ला प्रहरी कार्यालयको गेटबाट खगेन्द्र सुनारको नेतृत्वमा आन्दोलन सुरु भएको थियो ।

दोस्रो दिनबाट लगातार ३ दिनसम्म जिल्ला प्रशासन कार्यालयको गेटमा भोक हड्ताल तथा सरोकारवाला सबै निकायमा दवाव दिईएको थियो ।
फितलो अनुसन्धान तथा हलुका तवरले गरिएको घटनाको अनुसन्धान आन्दोलन पश्चात प्रहरी प्रशासनले थप कडाईका साथ गरेको थियो ।

आन्दोलन दबाउन राज्यले लाठि प्रहार, हवाई फायर तथा अश्रुग्याँस पिडित माथि प्रहार गरको थियो ।
२०७७ जेठ २५ गते उक्त घटनाको छानविन तथा सत्यतथ्य छानविन होस भन्ने आवाज लिएर जाजरकोट हिडेका पत्रकारहरुको टोलीलाई प्रहरी सल्यान बालुवासंग्राहीबाट जाजारकोट जान रोक लगाएको थियो ।

सोहि रात उत्त आन्दोलनले सुर्खेतको वीरेन्द्र चौकमा एक रातभर लालटिन बालेर अनसन बसेका थिए । उत्त अनसनमा कलाकार पत्रकार नागरिक अधिकारकर्मी राजनीतिक दल लगाएतले सहभागिता जनाएका थिए । 

कोभिडको कारण देखाएर आन्दोलन दबाउन थालिएपछि आन्दोलन अन्य जिल्लाबाट पनि चर्किन थाल्यो । २०७७ फागुन १ गते दैलेखबाट उक्त घटनालाई मुख्य मुद्धा बनाउदै दलितका अन्य मागहरुलाई सशक्त ढंगबाट आन्दालनको रुपमा अगाडि बढाउन थालियो । आन्दोलनमा २५ हजार भन्दा धेरै दलित समुदायको सहभागिता थियो । हामीले उक्त आन्दोलनको नाम राष्ट्रिय दलित मुक्ती जागरण अभियान राखेका थियौ । 

सोहि दिन पूर्वको सप्तरीमा पनि ४० हजार भन्दा धेरै दलित सडकमा उत्रिएर आन्दोलन गरेका थिए । त्यस्तै अन्य जिल्लाहरुमा पनि आन्दोलन जारी थियो । आन्दोलन पछि उक्त घटनामा विश्व समुदायको ध्यानाकर्षण भएको थियो ।